Benni og hraðahindrunin...

 

Benni ,yfirvélstjórinn minn, er  samtímis svo duglegur og  svo bóngóður maður ,að biðji maður hann um viðvik, verður maður að reyna að stökkva samstundis frá ,helst aðeins áður en erindinu við hann er lokið.Annars er töluverð hætta á því ,að hann fari stystu leið yfir mann.Og af því að ég er orðinn margfaldur afi og þess utan töluvert á annað hundrað kíló,tekst mér sjaldnast að komast úr vegi hans, áður en hann leggur af stað.Það getur verið dálítið vandræðalegt fyrir gamalreyndan ,harðsvíraðan togarajaxl ,að upplifa þetta sérstaka „móment".

Þetta „móment" ,þegar það rennur upp fyrir mér ,að  ég muni ekki komast frá honum,  tímanlega.

Þess vegna er auðvitað beinlínis skynsamlegt að hringja frekar í hann,ef mann vantar eitthvað.

En hann er nú bara ekki alltaf við símann svo að það er ekki alltaf hægt að hringja. Nú má engin halda að ég  sé eitthvað að reyna að gleðja Benna, með þessu bloggi.

Mig vantar bara smá hjálp og leiðbeiningar við hraðastýringardjöful , á morgun og datt í hug hvort þetta gæti verið leiðin.Lauma þessu svona í bloggið.Kannske fréttir hann af þessu, ef ég er heppinn. En ég verð þá líka hvergi nálægur, þegar hann leggur af stað.

Bara svo hann fari ekki svona snöggt yfir mig, einu sinni enn!

Athugasemdir

[þór (IP-tala skráð) 5.10.2007 kl. 23:39]

Sæll Svikari!

Gaman að sjá að þú ert kominn með vettvang til að létta á andans byrðum þínum.  Ég bíð spenntur eftir sögunni af því atviki sem varð til þess að gamla SÍS fór í hundana.  (gott ef það tengdist ekki kartöflurækt?).  Annars allt gott að frétta af okkur á Allanum, sambland af þynnk. og flensu eftir alltof langa löndun í Noregi. 

Með bestu kveðju Þór vélstj á Allanum

[Jonni (IP-tala skráð) 6.10.2007 kl. 13:51]

Sæll og blessaður Þór ,elsku kallinn!

Gaman að heyra í þér.Ég veit ekki hvort sagan af falli SÍS fer nokkuð í loftið í bili.

En gangi þér allt í haginn,bro og skilaðu kveðju til Hafsteins og Binna og allra auðvitað.Eitt lærði ég þó í svikaleiðangrinum.Það eru bara toppmenn á Allanum:)!

Bestu kveðjur

Jonni